TEVGÊRA KURDÎ Û DAXUYANIYA DÎMEŞQÊ
ŞÊRKOH HOPO

Rewşa koneya cîhanî bi gavin lezgîn tête guherandin û lipêşketin ji her hêl û layîde û ti kes nema dikare bibe kelem û asteng di ewê rêçêde, her tevgêrên rizgarixwaz û her Desthelatjî bênevbûne ku ligor wê û pêre bi rêkevin û yên ku di qalikêxwede bimêne dê bitenha, bê alîkar û dost û piştgîr ji refên cîhanê bimîne û dijminjî dê her jêre pirbibin û wesa bi dema nûjenre bêtin sirandin ji hebûnê.
gereke tevgêra kurdî li dîroka pêvajoya xebata ji damezirandinaxweya1957ande û heya îro vegerin û lixwe binêrin û wesa liser rawestin û di armancêdxwey ( Siyasî, Çandî û Civakî ) de biramin ku ev armancin mirovayetîne ne netewîne û ne ligor hebûna gelê kurdîy xwedî qad û nûdemêne û nejî daxwaza gelê kurdin lewra gerek û giringe bêtin guherandin, ligel wesa jibo gelêxwe çi pêkanîne û cihêwan di meydana xebata tevgêra rizgarîxwaza cîhanîde çiye û ligor xebata evan 48 salan ji temenêxwe lixwebinêrin ji yek Partiyê bûne çend û wesa li cîhanê binêrin çend welat rizgar û serbixwebûne û çend liber sînorê serbixwebûnêne, lewra gereke sûdeyê ji pêvajoya xebataxweya dîrokî bigrin û di ewî qalkê sar û zuha û tarîde nemînin dûrî daxwaza gelêxwe û cîhana pêşketin û nûjeniyê û herweha destberday ji armanc û mafên netewî wesa dê bixwe xwe bixne tinebûnê û nikarin gelê kurdîy pêdar rawestînin ji doza serxwebûn û azadiyê ligor qîm û qinyata rêjîma faşist û nijadperst.
Lewra hêjaye ku tevgêr hevbendiyê ligel Ehrîman girêbidin û evê rêjîma faşist jikok birûxînin û gel ji zor û stemawê riha û rizgarbikin balam hevbendî ligel yên ku hebûna kurd netewa diwemîn û mafêdway çarenûsîy rewa bidirikînin û ragehînin ne ligel yên ji evê rêjîmê faşist û şovenîsttir.
Daxuyaniya Dîmeşqê gaveke pêşketî û pîroze ku wesa hemû hêz û tevgêrên koneyî hevrikên rêjîmê ligel tevgêra kurdî ( Ber û Hevbendî ) û kesên welatparêz û perwer hevbendî û peymanan girêbidin û behwerî û têgehiştin dinavberwande avabibe û hebûn û nêrînêdhev bidirikînin jibo çarenûs û guherandin û pêşxistina welêt.
Helbet desthelata ku bi çek û tang û top û kuştin û zindan û işkencan hatibe liser sînga Milet û Welat daniştibe, ew desthelat dê wesa bi hovîtî karêxwe bi wî awayên Diktator û Faşist û Şovenistî di Welêtde berdewambike da ku herkes têbighêje û serî liber hilnede, desethlata Baas di Sûryade yek ji wan desthelatên ku karên destên hesinî liser serê gel jixwer pejirandine û diçesipînin, ji wergerka 08.03.1963ande û wegerka H. Essed 1970êyde Welat bi avakirina dezgehên ewlekariyêy pirhejmar kirine zindaneke mezin ji hemû gelên Sûrîre nemaze gelê Kurd û welatparêzî û perwerî bi serfirûtiya rêjîma Baasve girêdane Sûrya rêjîma Baase û rêjîma Baas Sûryaye û û yên lidij rawestin xiniz û dijminêd welêtin û hemû dezgehên çandî, ramyarî, zanistî û civakî bindestkirine, da ku bikaribin armancêdxwe pêkbînin, helbet armancêdwan ne daxwaz û bercewendiya milete û ti Programa pêşxistina Welêt û mafdan û azadî jiwanre nebûye û nabe jibilî talaniya aboryê û kuştina azadya nêrîn û ramanan û binpêkirina Demokratî û Mafê mirovan, û guhnake li bangewaza aştî û çareserkirina doza gelê kurd bi awayên guftûgoyên demokratî û ne hebûnaway dîrokî liser qadawan didirikîne û nejî lidengê hevrikêdxwe guhdêraye.
pîlanêd rêjîma şovenist û nijadperest mîna kembera Erebî û berçîngehêdwan di herêmên kurdistanêde û biryar û karên awartey bê hejmar nemaze pîlana ku bû sedema berxwedan û serhildana 12 Avdara pîroz bi hêz û hêrs û istîwariya miletê kurdiy tiyên azadyê bê vîn û rêberî û daxwaza tevgêra kurdî mîna volkanêbû biser serê rêjîma Sûrya û piştgîrênwêde, ligel ku şovenistên rêjîmê bi demek dirêj û bihnferehî ev pîlan ristin û hûnan da ku gelê Kurd bêhtir ejnûbikin û bixne bin darê tirs û stemaxweya bê sînor.
Daxuyaniya Dîmeşqê bi xalin hejar û neyînî di naverokaxwede hatiye ji hêla welêt bitevayî û hêla mafê gelê kurd bitaybetî tirsê dixe dilê milet ku destin rêjîmêy veşartî dinavde hebin û nêrîna Erebperestîy şovenistî têde biserketiye çunkî ku...
1- ti alîkarî û guhertin û piştgiriya jiderve napejirîne. bêguman ev ligor daxwaza rêjîma faşist hetine û wesa wê nişîn û dilrastke û arîşenêwê xurtdike û temenêwê dirêjdike û wê radigre û diteyixîne ligel ku jibingehde diherife roj lipê rojê.
2- hilkirina partiya Baas jikok û qedexekirina wê nehatiye xuyakirin balam mexabin dergeh ji xelkênwêy dilxwazêd guhertin û Demokratyêre ( eger hebin! ) vekirî hiştine, wekkû ne rêjîma Baas welat daxistiye evê radeya jêr û wêran û hejarî û bin gef û dorpêçkirinê.
3- jihevxistina dezgehên Ewlekariyêy pirhejmar diyarnebûye, ev dezgehên ku bûne şûrê serbirîna azadîxwaz û pêdaran ku şan û rûmeta milet berbat û binpê û şerpeze kirine û bûne sedema dûrxistin û surgûna zanyar û rewşenbîr û konevan û sermayedarên welatperwer ev jibilî peyketin û girtin û kuştinawan.
4- vegerandina navê Komara Sûrî ji ( Komara Erebiya Sûrî ) nehatiye bi bîranîn.
6- doza lîstina roleke Erebîy xurt di herêmêde û yekbûna ereban û rizgarkirina Colan û qada erebîy dagîrkirî dikin wek kû ewan perçakî ji kurdistanê dagîrnekirine.
5- çareserkirina dad û Demokratî ji kêşa kurdîre û mafên hevwelatî û nasname û fêrbûna zimanê netewî û mafin yasayî û koneyî liser bingeha yekbûna qad û gelê Sûrî, kurd netewekî serbixwe nepejirandine.
gerekbû berya lihevkirinê an ragehanidina evê Daxuyaniya Dîmeşqê tevgêr bihevre û ligel milet bicivyana û nêrînêdwan bistandina çunkî çarenûsa gelê kurd ne di destê tevgêrêdeye balam çarenûsa tevgêrê di destê gelê kurddeye û doza gelê kurd ne mafêd çandî û ziman û nasnamêye, gereke bizanibin ku lîstik bi çarenûsa gelê kurd nabe û ew nayête bazarkirin, doza gelê kurd mafên netewî û çarenûsîy rewaye ku mîna hemû miletên cîhanê xwedî welat bijîn.
Rêxistinên hevkarên Daxuyaniya Dîmeşqê eger çendî welatparêzbin û doza guherandin û nûvandin û demokratiyê dikin wesa xwe eşkerakirine ku erebperstin û ji mejyê nijadperestiya Baas rizgar nebûne û şûrê erebparêzyê hilgirtine û doza rizgarkirina qada dagîrkirî ( Felestîn ) û Colan û lîstina roleke Erebî di herêmêde û yekbûna Ereban dikin û ku bixwe ti hebûn û rolaway koneyî di meydanêde nîne û hin jiwan wek ( vejandina Civaka Şaristanî ) rûxandina rêjîma faşist naxawazin û yêndî ti hebûna kurdan wek neteweyekî serbixwe xwedî qad û çarenûs nepejirandine, helbet guneh ne yê wane çunkî ew Erebin, balam gunehkarêd mezin rêberêd tevgêra kurdîne ku bixwe nebûne xwedyê mafêd xwey netewîyî rewa, lewra ku hêjî dem dereng neketiye gereke rêberên tevgêra kurdî ( eger kurdbin...! ) lixwe û miletêxwe vegerin û bi xurtî doz û berevaniya mafê netewî û çarenûsa gelêxwey kurd bikin çunkî ew maf ne bexş û comerdiya erebaye ji kurdanre, ger çendî di rewşa nihade doza serxwebûnê nakinjî balam jibo pêşerojê miletekî serbixwe û xwedî al û welatbin ne erebbin.