|
|
|
. |
|
|
|
|
|
KBX.02.12.2009 |
Kongreya Giştî ya Kurdocide Watch – CHAK:
”Parastina tevkûjiyê dê bibe bela serê CHP ê”
K.B.X.02.12.09 Kongreya Giştî ya Kurdocide Watch-CHAK ê
di 28-29 ê mehê de li Danîmarka, bajarê Asnesê pêk hat.
Di kongirê de, endamên komîteyên rêvebir yên şaxên CHAK
ê, li welat û derveyî welêt beşdar bûn. Şaxên amade
bûbûn ev in:
Swîsre, Danîmarka, Swêd, Norvêc, Holanda, Beljîka,
Fransa, Ingilîztan, Awusturya, Almanya, Rojavayê
Kurdistanê, Bakurê Kurdistanê û bi rêya têla zindî
Finlandiya û Başûrê Kurdistanê beşdar bûn.
27 ê mehê, bi xêr hatina mêvanan, belavkirina program,
bi kûrbûna ferdî ya li ser ser destûrê derbas bû.
Kongre 28 mijdarê saet 9 an, bi xwendina programê dest
pê kir. Piştî pêşkêşkirina rapora Komîteya Kargêr û
şaxên endam, navbêrek ji bo xwarinê hate dayîn. Piştî
nîvro destûra CHAK ê hate niqaşkirin. Di wê rojê de
hejmarek pêşnîyaz hatin pêşkêşkirin û beşdarên kongrê li
ser pêşnîyazan dîtinên xwe anîne zimên.
29 mijdarê, çend grubên cewaz li ser mijarên hatine
pêşnîyazîkirin kûr bûn. Paşê tevayên pêşniyazan ketin
dengdanê. Kongre, piştî guherandinên desturê, dayîna
biryarên giring, û pejirandina raporên Komîta Kerger
dest bi diyarkirina berendamên nû, heft (7) kesan jibo
Komîteya Karger ya nû kir. 11 kes weke berendam hatin
pêşniyazkirin. Piştî dengdayinê Komîteya Kargêr ya
Kurdocide Watch-CHAK ê hate hilbijartin.
Li gorî destura CHAK ê, Komîteya Karger têra xwe
berfireh e. Berpirsiyarên yekem yên komîteyên welat û
derveyî welat, endamên xwezayî yên Komîteya Kargêr in.
Ji bilî endamên xwezayî, heft (7) kesên din jî di
kongreyê de têne hilbijartin. Kesên têne hilbijartin
rêvebiriya xebatên CHAK ê û navenda wê dikin.
Biryara Ziman: Kurmancî, Soranî û Dimilî
Pêşnîyaza ji aliyê şaxê Bakurê Kurdistanê-CHAK ê hatibû
pêşkêşkirin û ji awira erênî ve hate niqaşkirin. Teklîfa
CHAK-Bakur wisa bû: ”Li Kurdistanê, bakur, başûrê
rojava, û beşek mezin ji rojhilat û başûrê welêt, bi
giranî kurmancî axêf in. Gelê Kurd bi giranî tîpên
latînî bikar dihêne. Kurmancî û Dimilî di serî de, divê
CHAK bersiva Gelê Kurd bi giştî bide. Ne tenê Soranî be,
her wisa dewlemendiya diyalektên Kurdî bi giştî hemêz
bike…”
Kongreya CHAK ê biryar da ku, bi tevayên diyalektên
Kurdî xebata xwe bike. Xebat dê gav bi gav pêk were.
Edîtoriya Kurmancî û Soranî di kongreya CHAK ê de hate
pêşnîyazkirin. Li ser edîtoriya diyalektên din xebat
didome.
Biryara li ser Dêrsim û Helwêsta CHP ê
Axaftina Onur Oymenê CHP yî li ser qirkirina Dersimê, di
Kongreya CHAK ê de bû cihê niqaşên mezin.
Komîteyên CHAK ê qala civînên xwe yên berfireh li tevayê
Ewropayê li ser ”qirkirina Dêrsim û Amûdê” kirin. Ji bo
ku qirkirinên li Dêrsim û Amûdê weke ”qirkirinên li dijî
Kurda” ji aliyê dezgehên navnetewî bê pejirandin,
pêwîstiya CHAK ê bi hevkariya hevbeş ya komîteyên xwe û
dezgehên din yê Kurda heye. CHAK dê ji bo vê bixebite.
Nijadperestî û jenosîd parastina CHP ê nikare bê
pejirandin. Em ê bêdeng nemînin. Em ê bi taybetî li
derveyî welêt, bi rêya têkiliyên xwe yên navnetewî ruwê
wan yên reş nîşanî cîhanê bidin. Her wisa dê ji
Sosyalîst Enternasyonal û hêzên polîtîk yên navnetewî bi
şêweyekî fermî daxwaz bikin ku, CHP ê, bi taybetî Oymen
mehkûm bikin.
Li Dersimê jenosîd pêk hatiye û divê ev yek ji aliyê
cîhanê ve bê dîtin û kesên sucdar bêne mehkûmkirin.
Komîteya Kargêr ya Kurdocide Watch-CHAK
Kongireya 3 em ya CHAK ê ku di navbêra 28-29 ê mijdarê
li Danîmarkayê pêk hat. Kongre heft (7) endamên nû yên
Komîteya Karger bi daxuyaniyeke fermî diyar kir.
Rêvebirên Navenda Organîzasyona Kurdocide Watch-CHAK ê
ev in:
Elî Mehmud, Gabar Çiyan, Goran Halabjayî Najîba Mahmud,
Newzad A. Qadir, Hîwa Nasih, û Pistiwan Germiyanî.
Kurdocide Watch-CHAK
Organîzasyona “Kurdocide Watch-CHAK” di 2002 de li
Helebceya Şehîd ava bû. Armanca CHAK ê ya sereke ew e
ku, li her çar aliyê Kurdistanê qirkirinên (Jenosîd) li
dijî Kurdan pêk hatine bi rêya lêkolînan derêxîne hole.
Pirsa qirkirina Kurda, li welat û derveyî welat bike
cihê niqaşê. Navnîşan û cihên kesên qatil û gunehkar
peyde bike, rêya dadgehê veke ku ew bêne cezekirin...
CHAK heyanî nuha, bi taybetî li ser pirsa Enfalê, karên
hêja kiriye. Pirsa Enfalê li welat û derveyî welat weke
“tevkûjiya kurda” îlan kiriye, kesên qatil nîşan daye.
CHAK xebatên mezin daye ku Enfalê weke “Jenosîdsek li
dijî Kurda” di parlemenetoyên welatên ewropayê û
dezgehên navnetewî bide qebûlkirin. CHAK, niha jî bi
giranî li ser qirkirinên “Dêrsim” û “Amûdê” kur dibe…
EuroKurd News – eurokurd.net
|
|
|
|
|
. |
|
|
