|
|
|
k.binxetê.05.10.09.12.20.GMT |
Tirkiyê serdana Talebanî erênî dibîne
Civîna "Welatên Cînarên Iraqê" di 2-3 sermawêzê li Stenbolê pêk
tê. Tirkiyê, ji bo beşdarbûna welatên cînar, dewletên bi hêz û
yekîtiyên eleqedar xebata xwe di pêşengiya Wezareta Karê Derve
de xurt dike. Serdana Wezîrê Karê Derve Ali Babacan dawiya heftê
dest pê dike. Di programa wî de serdana welatên cînar û Iraqê jî
heye. Wezîrê Karê Derve Babacan duhî anî zimên ku, ew li benda
Wezîra Karê Derve a Emerîkayê Condoleezza Rice ne ku beşdarî
civînê bibe. Wezîrên Karê Derve yê welatên G8, G5 jî hatine
vexwendin.
Li ser pirsa "vexwandina Serokomarê Iraqê Celal Talebanî" jî
bersiva Babacan wisan bû: Nameyên me ji Wezîrên Karê Derve re
hatine şandin. Lê dema welatek bixwaze bi rêvebiriyek e bilind
beşdar bibe, li gorî xwestina wan mûmkûn e. Li ser pirsa "hilbijartina
rêvebirên beşdar", welatên vexwendî serbixwe ne, ew biryarê
didin. Dema serokwezîr an Serekomarê wan beşdar bibe, ev dê
kêfxweşiyê bide me.
Li gorî nûçeyên belav dibin, Babacan di serdana xwe a Iraqê de
dê bi ihtîmalek e mezin Serokomarê Iraqê Celal Talebanî jî
ziyaret bike û mesaja Serokomarê Tirkiyê Abdullah Gül ji bo "berdewama
têkiliyan" bighêjîne destê Serokkomar Talebanî (Zarathustra
News).
|
|
|
|
. |
|
|
