|
|
|
k.binxetê.22.10.07.09.30.GMT |
Serok Talebanî:
PKK dikare biryara agir rawestînê bide
Serokomarê Iraqê Celal Talebanî dûhî êvarê bû mêvanê Kanal D yê
û bersiva pirsên rojnamevanê navdar M. Ali Birand da. Serok
Talebanî di axaftina xwe de
 qal
kir ku, PKK li ser agir rawestînê difikire û îhtîmal heye
biryarek e wisan bide. Hevpeyvîn wisa bû:
Talebanî: Em li dijî çalakiyên terorê ne. Min herdem ji birayên
xwe yên li Tirkiyê re ev yek aniye zimên. Em ji PKK ê re dibêjin
ku, weke partiyek polîtîk xebata xwe bidomînin, lê şerê çekdarî
rawestînin.
Birand: PKK ji bo rawestandina êrîşan çi soz da te?
Talebanî: Çi sozek wisa nehatiye dayîn. Lê PKK, sibê dê li ser
îlana agir rawestînê bifikire. Sibê dê dîtinek were holê/rewş
zelal bibe.
Birand: Iraq, dê kampên PKK hilweşîne û rêvebirên wan teslîm
bike, an na?
Talebanî: Em nikarin rêvebirên PKK ê bigirin. Cihê wan li
derveyî rêvebiriya me ye.
Birand: Barzanî qala berxwedana li hemberî Tirkiyê dike...
Talebanî: Em naxwazin li hemberî Tirkiyê şer bikin. Em bi çavên
bira li Tirkiyê dinêrin.
Birand: Li gorî Barzanî, PKK ne hêzek terorîst e. Dîtina te çiye?
Talebanî: Dema Tirkiyê rêya aştiyê hilbijêre û PKK hişkiyê bikar
bîne/bersivê bide, PKK dibe hêzek terorîst. Lê dema PKK, hişkiyê
bikar nehêne, ne terorîst e.
Birand: Tê qalkirin ku, 10 leşkerên tirka di destê PKK de ye. Ji
bo azadkirina wan hûn dê xebatê bikin, an na?
Talebanî: Ez nizanim. Vê kêliyê zaniyariyek e wisa di destê me
de tune ye.
Birand: Îro li Enqerê civîna bilind heye. Mesaja we ji bo Enqerê
çiye?
Talebanî: Em li benda wê ne ku rewşa Iraqê fêm bikin. Me gazî
kir û ji PKK ê xwest ku çalakiyên xwe yê çekdarî rawestîne. Em
dixwazin bi vê yekê, alîkariya birayên xwe yên li Tirkiyê bikin
(Zarathustra News).
|
|
|
|
. |
|
|
