|
|
|
|
|
|
|
. |
|
|
|
|
|
K.B.X-06.06.08.10.30.EU |
TIRALÊ BEXDÊ!!!
Mistefa Cizîrî
Şarê Bexdê gelekî qedim û kevnare ye. Ev şarê ku di dîrokê de
roleke girîng û
 navendî
lîstiye, pir dewlemend tije û têr bû.
Bexda navenda hukumdar, desthilatdar, bazirgan û dewlemendan bû.
Ev şarê navdar li ber xêr û bereketa ava pak û zelal ku ji serê
çiyayên Kurdistanê dilop bi dilop diherikî bor, boş û dewlemend
bû. Navê şarê Bexdayê li çaraliyên dinyayê bi dewlemendî belav
bibû.
Cihê xêr û bereket lê hebe êş û derd jî lê peyda dibin. Ev derd
ne hema derdek wilo ji rêzê bû; ev derd neyê serê zebanîyên
dojehê û yê dijminan. Derdê şarê Bexdayê ev bû ku xelkekî tirale
lê peyda bibû… Ev kesên tiral, nekirkêr û nanxûrên cilqetên ku
ne bi kêrî Xweda û ne jî bi kêrî mirovan tên çawa peyda bûn, ji
ku hatin…”hinekan digotin dema Xwedayê mezin, qencî û xerabî li
dinyayê belav kir, nivê tiraletiyê li hemû dinyayê û yê mayî jî
li şarê Bexda û başûrê wê belav kir. Hinên dî jî digotin:
”Xwedayê mezin jî wî qewmî hes nekir, êş û kula tiraletîyê li
nava wan belav kir…” Em niha dev jê berdin bê ka xelk di derbarê
peydabûna tiralan de çi dibêjin û em bên ser mijara bê ka ev
xelkê tiral û nekirkêr çi şixûl dikirin…Wuha dihat gotin: Kesê
tirale diçûn li bin dara xurma radizan û xwe li ser derzpiştê
dirêj dikirin heta libek xurme ji goşîyê xurmê hilpekya û têketa
devê wan. Heger xurme bi xwe neketa devê wan, wan bixwe
ranedihiştinê û ew nedixwarin…kar û şixûlê tiralan ev bû…Ev êş û
nexweşiya tiralan her ku çû li nava xelkê deverê belav bû…Xêr û
bereketê xwe da alî tiralîyê dawîya şarê Bexdayê anî…
Hin kes karin bêjin ma çi karê me pêketiye.. Xurme li Kurdistanê
çênabin û serê me jê na êşe…Tirale li Bexdê ne û em jî li
Kurdistanê ne..
Kesê negre tedbîrê, nagre bi qefta şûrê. Rast e Kurdistan
welatek bixêr û bêr e. Xwedî deşt û zozan e. Welatekî dewlemend
e, gaz û petrola wê heye. Çandinî, xwedîkirina ajel û hemû cure
ziraetê dikare bê pêşdexistin. Lê em çiqasî ji serwet û samana
welatê xwe bi aweyekî zanistî destkevtî dibin…
Ev demek e ku li başûrê welat serwerî û desthilatdarî di destê
kurdan de ye. Tev hemû gef û zextên nehezan jî rêberî û
deshilata Kurdistanê rewşa hemwelatiyan baştir kiriye. Avadanî û
pêşdeçûneke berbiçav heye. Rewşa hemwelatiyên Kurdistanê ji
alîyê aborî ve baştir bûye. Li gel van pêşketinên hêja ku her
kurdek welathez xwe pê serbilind dibîne jî, gelek tiştên ne rind
û tendensên xerab jî derdikevin pêşberî me. Gendelî, tiraletî,
wezife ihmalkirin û bêxemî di nava rêvebir û deshilatdaran de
xurt dibe… Heger deshilatdarên Kurdistanê bi awayekî cidî li ser
van meylên xerab raneweste û tedbîran negre, wê stûnên civakê
hilweşin, pêşeroja me tekeve tahlûkê. Divê rêvebir û pêşengên
civakê bibin minakên baş. Mafê kesî tune ye ku deshilatê ji bo
berjewendiyê xwe yê şexsî bikarbîne. Mekanizma dad û kontrolê bi
awayekî xurt li ser kar be. Ew kesên ku gunehbar in wan ceza
bike, daku gel bawerîyê bi deshilatê û dezgehên dewletê bîne.
Divê rûhê heq û edaletê di nava gel de belav bibe. Siyasetmedar,
rêvebir, bazirgan û hemû kesê ku berpirsin pêwist e, xwedî etik
û moraleke bilind bin. Civakeke modern û hemdem dikare tenê bi
etik û moralê bilind ava bibe. Heger hat û çû tiraletî li Hewlêr
ê pêşde çû, Kurdistan çem û çem çû…
Zarathustra News – zarathustra_news@comhem.se
|
|
. |
|
|
|
Çapkirin
ji Hiqûqê Kurdistanabinxeteye |
© |
جميع حقوق الطبع محفوظة لدى كردستانا بنخَتي |
|
Kurdistana Binxetê
|
كردستان
سوريا
|
Kurdistan Syrien
|
|
